(Kidaapwan City/ May 1, 2013) ---Nananawagan
ngayon si Dept. of Labor and Employment o DOLE North Cotabato Field Office Labor
Officer Edna Sales sa lahat ng mga job seekers na samantalahin ang jobs fair na
isinasagawa ngayon sa Kidapawan City. Kasabay ng Labor Day ngayong araw.
Sa panayam ng DXVL Radyo ng Bayan sa
opisyal, gagawin ang nasabing aktibidad sa DepEd Convention sa Kidapawan Pilot
Central Elementary School na nagsimula kaninang alas 8:30 ng umaga hanggang
mamayang hapon.
Abot sa 17 na mga local companies
ang partner ng DOLE North Cotabato sa aktibidad na maaaring pagtrabahuan ng mga
aplikante mula sa Kidapawan City at iba pang kalapit-bayan.
Maliban sa job employment, nais din
ng DOLE North Cotabato na mabigyan ng wastong gabay ang mga aplikante lalo na
ang mga bagong tapos ng kolehiyo na malaman ang mga trabahong babagay sa
kanilang kurso at kwalipikasyon.
Mahalaga raw ito para maiwasan ang
problema sa job mismatch na madalas nangyayari sa mga aplikante.
Pinayuhan din ni Sales ang mga
aplikante na kumpletuhin ang isusumiteng requirements tulad ng curriculum
vitae, application letter at iba pa. (Rhoderick Beñez)
0 comments:
Mag-post ng isang Komento