(Kabacan, North Cotabato/ May 1, 2013) ---Nagpakalat
ng karagdagang police force ang Kabacan PNP partikular sa mga matataong lugar
tulad ng palengke, paaralan at business establishments.
Ayon kay Kabacan Chief of Police Supt. Leo
Ajero, ito ay para mapalakas pa ng kapulisan ang pagbabantay laban sa mga
masasamang loob na naglipana ngayon sa bayan.
Maliban pa ito sa motorcycle cops na una ng
itinalaga ni Ajero para maglibot sa mga pangunahing lansangan ng Kabacan.
Inamin ng police official na patuloy na
tumataas ang street crimes sa Kabacan at nais niya itong tutukan para na rin sa
kaligtasan ng mamamayan.
Isa hanggang dalawang pulis naman ang
itatalaga sa bawat police box, ayon pa kay Ajero.
Kaugnay nito, layon ng nasabing hakbang na
palakasin ang tiwala ng taong bayan sa kapulisan upang makuha din nila ang
kooperasyon ng bawat isa na makipagtulungan para sa agarang ikaresolba ng
kriminalidad sa bayan, ayon kay P/Insp. Samuel Bascon. (Rhoderick Beñez)
0 comments:
Mag-post ng isang Komento