(Pres.
Roxas, North Cotabato/ April 30, 2013) ---Labis-labis na ang pagkabahala ngayon
ng asawa at mga kaanak ni PO3 Maula Ali ng Arakan PNP na dinukot ng mga
armadong kalalakihan sa Brgy. Bato, President Roxas habang papunta sa kanyang
farm lot noong April 19.
Ito
ay makaraang lumipas na ang mahigit isang linggo pero wala pa ring
balita ang pamilya sa kinaroroonan ng biktima.
Ayon
sa PNP President Roxas at PNP Arakan, walang ideya ang
pamilya ni PO3 Ali sa kinaroroonan nito at
wala rin daw tawag o sulat mula sa armadong grupong dumukot rito.
Una
nang lumabas ang report na mga miyembro ng New People’s Army o NPA ang dumukot
kay PO3 Ali.
Pero
hirap ang kapulisan sa pagkumpirma nito matapos na walang komunikasyon o
pag-amin sa hanay ng naturang armadong grupo.
Kaugnay
nito, umapela ang asawa at mga kaanak ng biktima sa sinumang nakakaalam ng
kinaroroonan nito na ipagbigay-alam agad sa kanila o sa otoridad.
Nais
raw ng pamilya ni PO3 Ali na matiyak na buhay ito at nasa maayos na kundisyon
pa rin sa kabila ng pagkakadukot dito ilang araw na ang nakararaan.
0 comments:
Mag-post ng isang Komento