(Matalam,
North Cotabato/ February 25, 2013) ---Sugatan ang tatlo katao makaraang
masangkot ang sinasakyan nilang motorsiklo sa isang vehicular accident sa National Highway, Poblacion, Matalam, Cotabato partikular sa harap
ng Matalam Central Elementary School alas 7:15 kahapon ng umaga.
Ayon sa Matalam PNP, tinatahak ng Honda XR 200 ang
kahabaan ng National Highway buhat sa Kabacan papuntang Matalam ng mawalan ng
preno at aksidenteng mabangga sa kulay itim na single Honda Wave 110.
Dahil sa lakas ng impak nagresulta ito sa pagkakasugat
ng dalawang driver.
Kinilala ang driver ng XR 200 na si Nonie Parcon, 32
emplyedo ng Sumifru Phils, Inc. at residente ng Kiyaab, Antipas, Cotabato.
Kinilala naman ang driver ng Honda Wave na si Rene Oren,
46 kasama ang angkas nitong nakilalang si Everest Mandavia kapwa resident eng
Pres. Roxas, Cotabato.
Mabilis namang isinugod ang mga biktima sa Babol
Hospital para mabigyan ng medikal na atensiyon habang naka-impound naman ngayon
sa Matalam PNP ang nasabing mga motorsiklo para sa imbestigasyon. (Rhoderick
Beñez with reports from Pearl Landrito)
0 comments:
Mag-post ng isang Komento