(Kabacan, North Cotabato/June 12, 2012) ---Hanggang
sa mga oras na ito, walang pa ring mga kamag-anak ang pumunta upang kilalanin
ang salvage victim na itinapon sa taniman sa palayan sa may sitio Malabuaya,
Brgy. kayaga, Kabacan, Cotabato.
Nakita ang nasabing bangkay ng may ari ng
sakahan dakong alas 7:00 ng umaga kahapon.
ayon sa report ng kabacan PNP, nabatid mula
kay Supt. Raul Supiter, chief of police ng bayan na ang biktima ay nagtamo ng
sugat sa ulo na posibleng naging dahilan ng agara nitong kamatayan.
Batay sa paglalarawan ng mga imbestigador,
suot ng biktima ang kulay itim na na shirt na may nakasulat sa itaas ng kanang
bahagi ng kanyang damit na “Pikit Cotabato” na may logo ng fighting cock habang
naka sulat naman ang katagang house kristo sa likurang bahagi ng kanyang damit.
Nabatid na kapwa may mga tattoo ang itaas na
bahagi ng kanyang mga braso.
Sa ngayon ang labi ng biktima ay dinala na
sa Jusa Funeral homes, brgy. Osias, Kabacan, Cotabato. (Rhoderick Beñez)
0 comments:
Mag-post ng isang Komento