(Carmen, North Cotabato/June 11, 2012) ---Nasabat
ng patrol team ng Carmen PNP ang mga sako-sakong agri farm products na sakay sa
isang tricycle sa Brgy. Poblacion, Carmen, North Cotabato alas 2:00 ng hapon
nitong Sabado.
Batay sa report ng Carmen PNP sa pamumuno ni
P/Chief Inps. Jordine Maribojo nabatid sa inisyal na pagsisiyasat lulan ng
nasabing kulay pula na Bajaj tricycle na may plate number MX 1379 ang apat na
sako ng mais na ninakaw umano ng driver na nakilalang si Ronie Isongga, 27 at
ang kasama nitong nakilalang si Bernardo Sibonga, 25 kapwa residente ng brgy.
Ugalingan ng nabanggit na bayan.
Planu sanang ipuslit ng dalawa ang nasabing
sako ng mais at ilan pang mga farm products mula sa pinagtrabahuan nilang CLS
Agritrade Store ng masabat ng mga otoridad sa highway.
Mismong ang may ari na si Hector Simplicio,
nasa tamang edad ang mismong nagturo sa mga suspek na responsable sa nasabing
pagnanaakaw.
Sa ngayon naghihimas ng malamig na rehas
bakal ang dalawa habang inihahanda na ang kaukulang kasong kakaharapin ng
dalawa. (Rhoderick Benez)
0 comments:
Mag-post ng isang Komento