(Kabacan, North Cotabato/June 14, 2012) ---Palutang-lutang
sa Pulangi river na nasa Sitio Lumayong, Brgy. Kayaga, Kabacan, Cotabato ang
bangkay ng isang babae ng matagpuan ng mga residente doon alas 2:30 kahapon ng
hapon.
Ayon kay P03 Richard Lagutang, imbestigador
ng Kabacan PNP ang nasabing bangkay ng babae na di pa nakilala ay nasa edad
35-40 na taong gulang at may taas na 4’10 hanggang 5’.
Batay sa paglalarawan ng opisyal half naked
ang nasabing biktima walang damit sa itaas at nakasuot ng kulay asul na short
ng matagpuan nina Eddie buat, 45 at Kons Cambang, 43 kapwa residente ng
nabanggit na lugar.
Nagtamo ang biktima ng pasa sa ulo
partikular sa mga mata nito na posibleng naging dahilan ng pagkamatay niya,
ayon kay Lagutang.
Hindi pa mabatid ng mga otoridad kung
nalunod ang biktima.
Sa ngayon panawagan ng Kabacan PNP sa
publiko na kung may kamag-anak kayong nawawala o di pa naka-uwi maari
makipag-ugnayan sa Kabacan PNP para sa pagkakakilanlan ng nasabing biktima.
Sa ngayon ang mga labi ng nasabing biktima
ay nasa Villa Jusa Funeral Homes na nasa Brgy. Osias, Kabacan. (Rhoderick
Beñez)
0 comments:
Mag-post ng isang Komento