(Tulunan, North Cotabato/June 13, 2012) ---Sinalakay
ng mga di pa mabilang na mga grupo ng Armed Lawless group ang Brgy. Popoyun,
Tulunan, Cotabato alas 7:30 kahapon ng umaga.
Sa report ng 602nd Brigade
Philippine Army, agad na nagsilikas ang mga apektadong pamilya matapos na
maipit sa nasabing kaguluhan habang iniwan ng mga ito ang kanilang mga alagang
hayop at mga sakahan.
Ayon sa report, gumanti sa nasabing
pagsalakay ang mga CVO’s ng nasabing brgy na nagresulta ng 15 minutong palitan
ng putok sa magkabilang panig.
Agad namang umatras ang mga kalaban kungsaan
nagsagawa naman ng PNP tulunan at mga CVO’s ang pursuit operation na nagresulta
sa pagkakarekober ng tatlong mga indibidual na sinasabing ginawang human
shields ng mga armadong grupo.
Agad namang ikinasa ng otoridad ang active
defense sa apektadong lugar, inaalam pa kung anu ang dahilan ng nasabing
pagsalakay. (Rhoderick Beñez)
0 comments:
Mag-post ng isang Komento