(Kabacan, North Cotabato/June 13, 2012) ---Patuloy
ang pagtutok ngayon ng MSWDO Kabacan sa kaso ng dalawang bata na diumano’y
ginagamit ng notorious drug courier sa pagtutulak ng illegal na droga,
partikular na ang shabu.
Ayon kay MSWD Officer Susan Macalipat,
patuloy ngayon ang ginagawa nilang adbokasiya partikular na sa mga bata hinggil
sa masamang maidudulot ng illegal na droga sa tao.
Aniya, puspusan naman umano ang pakikibaka
ng PNP Kabacan at LGU kontra sa seryosong problema ng Kabacan sa droga.
Kung matatandaan, dalawang bata ang
inireport sa pulisya nitong linggo matapos na magbenta ng shabu na ayon kay
Supt. Raul Supiter ay inutusan umano sila ng kanilang magulang na ibenta ang
nasabing shabu sa isang customer.
Aminado naman ang opisyal na seryosong
problema pa rin ng Kabacan ang illegal na droga na di pa rin natutuldukan.
Kaya hamon ngayon ng ilan sa mga lokal na
opisyal ng bayan na aksyunan ang ugat ng sinasabing krimen sa Kabacan. (Rhoderick
Beñez)
0 comments:
Mag-post ng isang Komento