(Kabacan,
North Cotabato/June 15, 2012) ---Patay on the spot ang isang 21-anyos na
tricycle driver makaraang pagbabarilin ng di pa nakilalang salarin sa Rizal
St., Poblacion, Kabacan, Cotabato partikular sa overpass na nasa National
Highway alas 9:36 kagabi.
Kinilala
ni Supt. Raul Supiter, hepe ng Kabacan PNP ang biktima na si Jimmy Alay,
tricycle driver at residente ng Sitio Malabuaya, Brgy. Kayaga ng bayang ito.
Sakay
umano ang biktima sa kanyang minamanehong motorsiklo na may plate no. na 9092
XF ng patumbahain ng di pa nakilalang suspek gamit ang .45 na pistol batay sa
mga empty shells at slug na narekober sa crime scene.
Patay
noon din si Alay makaraang tinamaan sa ulo.
Agad
namang dinala ang biktima sa kanilang bahay sa Malabuaya ng kanyang mga
sumaklolong kamag-anak habang dinala naman sa himpilan ng pulisya ang
minamaneho nitong motorsiklo.
Ito
na ang ika-limang shooting incident na naganap sa loob ng dalawang linggo
ngayong buwang ito lamang.
Ang
pinakahuli ay isang MPDC Officer ng Datu Montawal na si Engr. Ronald Bantiding
na binaril habang pauwi mula sa trabaho noong Miyerkules ng hapon habang
kritikal naman ang kasama nitong MENRO Officer na si Nestor Salama na ngayon ay
patuloy na nagpapagaling sa Kidapawan Medical Specialist Center sa Kidapawan
City. (Rhoderick Beñez)
0 comments:
Mag-post ng isang Komento