(Kabacan, North Cotabato/June 20, 2012) ---Simula
ng ipinatupad ng pamahalaang lokal ng bayan ng Kabacan ang ordinance no.
2011-008 o ang pagbabawal at pagreregulate sa paggamit ng plastic, abot na
ngayon sa mahigit sa 50 na mga establisiemento ang nakatanggap ng unang
pinalidad.
Ito ayon kay Municipal Environment and Natural
Resources Officer Jerry Laoagan dahil sa patuloy na paggamit ng mga ito ng
plastic na siya namang ipinagbabawal sa batas.
Karamihan sa mga lumalabag dito ay ang mga
nagtitinda sa Kabacan Public Market.kaugnay nito, hinikayat naman ni Laoagan
ang mamamayan na magdala ng bayong tuwing mamimili.
Sinabi pa ng opisyal na isinama na rin nila
sa hanay ng mga wet goods ang gulay.
Kung mamantaan noon pang Agosto ng nakaraang
taon pormal na inilunsad ang pagbabawal at pagreregulate sa paggamit ng plastic
sa bayan ng Kabacan na kauna-unahan sa probisiya ng North Cotabato.
Samantala, naka-schedule naman tuwing Martes
ang paghahakot ng basura sa Plang Village, ito makaraang ireklamo nila na
matagal umanong buwan na di nahahakot ang kanilang mga basura.
Ito dahil ang naturang erya ay sakop umano
ng brgy Poblacion.
Pero mag-iisang taon na, simula ng masira ng
garbage compactor ng brgy Poblacion hanggang ngayon ay di pa rin ito nagagamit.
Ang paliwanag kasi ng pamunuan ng brgy.
Poblacion ay ginagawa nila ang total repair sa naturang garbage compactor, kaya
hindi nila batid kung kailan ito matatapos.
Kaya perwisyo ito sa mga residente na
maliliit ang mga kalye na di mapasok ng dumptruck ng MENRO. (Rhoderick Beñez)
0 comments:
Mag-post ng isang Komento