(USM, Kabacan, North Cotabato/June 22, 2012)
---Suportado ngayon ni Cotabato Governor Emmylou “Lala” Taliño Mendoza ang
isinasagawang Field Trial ng BT Talong dito sa Univesity of Southern Mindanao o
USM-Main Campus, Kabacan, Cotabato.
Aminado ang opisyal na dumadaan sa masusing
pagsisiyasat ang trial sa ilalim ng Bureau of Plant and Industry o BPI
guidelines makaraang magpalabas rin ang korte suprema ng writ of kalikasan
kontra sa kontrobersiyal na BT Talong.
Paliwanag pa nito, na kasali ang USM sa mga
natukoy na research institution sa mga gagawan ng pananaliksik hinggil sa fruit
and shoot borer-resistant na talong.
Kinatigan din nito ang mandate ng USM bilang
research institution.
Ang pondo sa nasabing pananaliksik ay galing
sa Department of Agriculture at kongreso, kaya kung ipapahinto ito, kailangan
munang i-lobby ito sa mababang kapulungan, ayon kay Gov. Lala.
Sa susunod na mga araw, isasagawa ang
pagpupulong sa lahat ng mga stakeholders ng nasabing BT Talong sa USM, ayon kay
Co-project leader Dr. Concepcion Bravo. (Rhoderick Beñez)
0 comments:
Mag-post ng isang Komento