(Carmen, North Cotabato/June 18, 2012) ---Pinangunahan
ni Kidapawan City Mayor Rodolfo Gantuangco ang ika-limang taong anibersaryo ng
Army Artillery Regiment ng Philippine Army na nasa headquarters ng AAR Camp
Lucero, Nasapian, Carmen, North Cotabato na isinagawa nitong Sabado ng umaga.
Bago ang anniversary program ay nagsagawa
muna ng tree planting ang mga sundalo kasama ang mga bisata, kungsaan nagtanim
sila ng iba’t-ibang klase ng mga punong kahoy sa loob ng kampo.
Nanguna din sa isinagawang misa si Rev.
Fralfredo Palomar, DCK, Parish Priest St. John Mary ng Kidapawan City.
Highlight din sa programa ang pagpapakita sa
mga dumalo sa programa kung papaanu ang pag-buo o assemble ng kanyon at ang
pagpapaputok nito.
Tumanggap naman ng parangal o memento ang
ilang mga sundalo na pinangunahan ni Regiment Commander B/Gen Pedro Biasbas.
Kaugnay nito, sinabi ni Lt. Col. Emilio
Pedro Jr., na patuloy ang kanilang pakikibaka hindi lamang sa pakikidigma sa
mga rebeldeng grupo kundi ang pagtulong sa mga mamamayan lalo na sa
pag-iimpower sa kanilang na suportahan ang mga programa ng gobyerno.
Dumalo rin sa nasabing anibersaryo si 602nd
Brigade commanding Officer Col. Dionesio Ceasar Sedillo, Provincial Focal
Person for Health Jessie Ined, kumakatawan kay Cotabato Gov. Lala Mendoza, USM
Pres. Dr. Jess Derije at ilang mga kagawad ng media. (Rhoderick Beñez)
0 comments:
Mag-post ng isang Komento