(Kabacan, North Cotabato/June 20, 2012) ---Kung
sa Kidapawan City, puspusan ang pagpapatupad ng “No smoking” sa lungsod,
partikular na sa mga public places, sa Kabacan naman, hindi umano ipinursige ng
mga lokal na mambabatas ng bayan ang ordinansang pagbabawal na panigarilyo sa
mga pampublikong lugar sa Kabacan.
Ito ang ibinunyag sa DXVL ni Councilor George
Manuel, ang may hawak ng Committee on Health sa Sanggunian dahil anya, ay di
rin naiimplementa ang mga pinapanday nilang batas.
Ito sa kabila pa man ng order ng National
government sa pamamagitan ng Civil Service Commission sa pagbabawal na
panigarilyo sa mga pampublikong lugar.
Giit kasi ng opisyal na maging ang mga
alagad ng batas sa bayan ay nag-yoyosi din sa mga bawal na lugar.
Tinukoy pa nito na maging ang mga opisyal,
pulis at iba pang mga kawani ay naninigarilyo rin mismo sa loob ng munisipyo.
(Rhoderick Beñez)
0 comments:
Mag-post ng isang Komento