(Pikit, North Cotabato/June 19, 2012) ---Pangungunahan
ngayong araw ni Department of Agriculture Sec. Proceso Alcala ang inagurasyon
ng dalawang irrigation project sa unang distrito ng North Cotabato partikular
sa Bayan ng Pikit.
Ang natukoy na irrigation projects ay ang
Panicupan Chrislam Dam at Nalapaan Stream check na inimplementa ng Malitubog-
Maridagao o Mal-Mar Irrigation Project Management Office, ito ayon sa report ni
PPALMA News Correspondent Roderick Bautista.
Aasahan din ang pagdating ni National
irrigation Administration o NIA Administrator Antonio Nangel, DA Regional
Executive Director Amalia Datukan, North Cotabato First District Cong. Jesus
Sacdalan at iba pang mga opisyal ng mga lokal na pamahalaan.
Sa impormasyon ipinalabas ng MalMar
Irrigation Project Management Office, abot sa 430 ektarya ang maseserbisyuhan
ng Panicupan Chrislam Dam kung saan higit isandaang magsasaka ang makikinabang
dito.
Samantala, higit naman sa limampung mga
magsasaka ang makikinabang sa Nalapaan Stream scheck na abot sa 100 ektarya ang
lawak ng maseserbisyuhan.
Abot sa humigit P56 Milllion ang pondong
inilaan ng gobyerno para sa mga natukoy na proyekto.
Kung noon ay kilala ang Barangay Panicupan
at Nalapaan bilang mga war torn communities, ngayon ay unti- unti nang
sumusulong ang kaunlaran sa mga komunidad na ito.
Nagpapasalamat naman si Cong. Sacdalan sa
pambansang gobyerno dahil tuloy- tuloy ang suporta sa mga proyektong pang-
agrikultura sa kanyang distrito.
0 comments:
Mag-post ng isang Komento