(Matalam, North Cotabato/ November 17, 2015)
---Patay ang isang tricycle drayber makaraang pagbabarilin ng di pa nakilalang
mga riding criminals sa bahagi ng National Highway partikular sa harap ng Babol
General Hospital, Brgy. Poblacion, Matalam, Cotabato pasado alas 11:00 ng umaga
kahapon.
Kinilala ni PCI Sunny Leoncito, hepe ng
Matalam PNP ang biktima na si Romeo Daqueuqag Tadaquen, 37-anyos, residente ng Brgy.
Taculen ng nasabing bayan.
Batay sa ulat minamaneho ng biktima ang
kanyang tricycle na kulay pula at may license plate LG 7090 at may side car
body number 01-198 papuntang Matalam Rotunda ng pagdating na nasabing lugar ay
pinagbabaril ng ilang beses ng mga suspek na lulan ng kulay pulang Kawasaki
Baja at walang plate number.
Nagtamo ng dalawang tama ng bala ang biktima
sa kaliwang bahagi ng kanyang tiyan at isang tama naman sa kanang bahagi ng
kanyang tiyan.
Naisugod pa sa Babol Hospital ang biktima at
nailipat naman sa Cotabato Provincial Hospital pero binawian din ito ng buhay.
Apat na basyo ng mga bala ang narekober sa
crime scene buhat sa kalibre .45 na pistol.
Mabilis namang tumakas ang mga suspek sa di
malamang direksiyon habang nagpapatuloy naman ang hot pursuit operation laban
sa mga suspek. Rhoderick Beñez
0 comments:
Mag-post ng isang Komento