(North Cotabato/ November 20, 2015) ---Abot
sa 2,000 piraso na dekalidad na Robusta Coffee seedlings ang naipamahagi ng libre
ng Office of the Provincial Agriculturist ng Cotabato Province sa apat na magsasaka
mula sa Aleosan kamakailan (11/13/15).
Ang kabuuang halaga nito ay P40,000.00. Mula
naman ito sa pondo ng na ipinagkaloob ng DA-RFO 12 ayon sa ulat na isinumite ng
Provincial Coffee Coordinator ng lalawigan na si Romulo Pacres.
Bahagi ito ng High Value Crops Development
Program ng Pamahalaang Panlalawigan ng Cotabato ayon kay Provincial
Agriculturist Eliseo Mangliwan na naglalayong palawakin pa ang kasalukuyang
area ng lupaing natamtamnan ng kape sa lalawigan dahil ang coffee beans ay may
mataas na presyo sa merkado.
Layon din ng programa na makapamigay ng
dekalidad na planting materials na may magandang katangian na saganang
mag-produce ng coffee beans at matibay sa mga peste at sakit.
Ang Coffee Development Program ay bahagi ng
Serbisyong Totoo Program ni Governor Emmylou “Lala” J. Taliño-Mendoza na
naglalayong makakatulong na maiangat ang kabuhayan ng mga magsasaka sa
lalawigan at samantalahin ang mataas na presyo ng coffee beans sa kasalukuyan.
Written
by: RUEL L. VILLANUEVA
Agricultural Technologist
OPA, Amas, Kidapawan City
0 comments:
Mag-post ng isang Komento