Kasapi ng PNP sa North Cotabato na mag-positibo sa drug test, sisibakin sa serbisyo –ayon sa Provincial Director

(Kabacan, North Cotabato/ November 16, 2015) ---Iginiit ng pamunuan ng Cotabato Police Provincial Office o CPPO na tatanggalin nila sa pwesto ang sinumang PNP Personnel na magpositibo sa drug test.

Ito ang sinabi sa DXVL News ni P/SSupt. Alexander Tagum, Provincial Director ng Cotabato Police Provincial Office kasabay ng isinagawang mandatory drug test noong Biyernes.

Ayon sa opisyal, walang puwang sa hanay ng mga kapulisan ang mga drug user at ang mga nag-poprotekta sa mga illegal na gawain.

Napag-alaman na ang ginawang drug test kamakalawa lamang ay ikalawang batch na ito ng drug test sa hanay ng mga kapulisan sa CPPO.

Posibleng sa mga susunod na linggo ay mailalabas na ng drug test result ng mga kapulisan.

Samantala una ng inihayag ni Tagum na tatlo ang nagpositibo sa illegal na droga sa una nilang mandatory drug test na isinagawa.

Kabilang dito si PO3 Magoncia kungsaan inilipat na siya sa Regional Headquarters habang nagpapatuloy ang kasong kakaharapin nito habang nag-awol naman ang dalawa na kinabibilangan ni PO3 Santos ng Kidapawan City PNP at si PO3 Lasiga na inalis na rin sa serbisyo. Rhoderick Beñez