AMAS,
Kidapawan City (Nov
20, 2015) – Sa layuning mapasaya ang mga bata, lolo at lola ngayong kapaskuhan,
maagang pamasko ang hatid ng Provincial Government of Cotabato sa 18 mga piling
barangay sa tatalong distrito ng
lalawigan.
Ito ay sa pagsisimula ng “Pamaskong Handog
ni Gob Lala 2015-Alay sa mga bata, lolo at lola” kung saan mismong si Gov.
Emmylou “Lala” J. Taliño-Mendoza ang nagtutungo sa mga barangay kasama ang mga
personnel ng iba’t-ibang departamento ng kapitolyo.
Unang tinungo ng gobernadora ang Barangay
Nuangan, Kidapawan City noong Nov. 9; sumunod naman ang Barangay San Vicente,
Makilala (Nov. 11); Barangay del Pilar, Magpet (Nov. 12); Barangay Datu Inda,
Pres. Roxas; (Nov. 16); Barangay Liliongan, Carmen (Nov. 17); Barangay
Katipunan, Arakan (Nov. 18) at Barangay Bagontapay, M’lang (Nov 19). .
Nakatakda namang bisitahin ng gobernadora
ang Barangay Daig, Tulunan (Nov. 21); Barangay Linao, Matalam (Nov 24);
Barangay Tamped, Kabacan (Nov. 24); Barangay Ladtingan, Pikit (Nov 26);
Barangay Pentil, Aleosan (Dec. 1); Barangay Villarica, Midsayap (Dec 2);
Barangay Pinamulan, Banisilan (Dec 3); Barangay Pigkawaran, Alamada (Dec 9);
Barangay Batiocan, Libungan (Dec. 10); Barangay Midpapan 2, Pigcawayan (Dec.
14) at Barangay Malangag, Antipas (Dec 15).
Mula 300-500 ang bilang ng mga bata at
200-300 senior citizens naman sa bawat barangay ang nabibigyan ng regalo at
nakikisalamuha sa programang inihanda para sa kanila kabilang ang kantahan,
sayawan, parlor games at gift-giving.
Kasama ni Gov Taliño-Mendoza sa pagtungo sa
mga venue ng “Pamasko Handog” ang iba pang provincial officials kabilang si
Vice-Gov Greg “Dodong” Ipong, mga Board Members ng SP Cotabato, Municipal
officials at mga barangay officials pati na mga guro at school heads.
Ito na ang ika-anim na taon ng “Pamaskong
Handog ni Gob Lala” mula ng gawin ito noong 2010 na naglalayong pasayahin ang
mga bata at matatanda sa Kapaskuhan at maramdaman nila ang pagmamahal at
presensiya ng kanilang mga elected officials.
Ayon sa gobernadora, ang mga regalo para sa
mga bata at matatanda ay simbolo ng espiritu ng Kapaskuhan at sa ganitong
paraan ay maramdaman ng bawat isa ang kahalagahan ng pagbibigayan,
rekonsilasyon at maging ng pagpapatawad. (JIMMY
STA. CRUZ-PGO Media Center)
0 comments:
Mag-post ng isang Komento