(Kabacan, North Cotabato/ November 17, 2015)
---Sa bisa ng MPOC resolution bilang 2015-08, opisyal ng nabuo ang Task Force:
Kabacan bilang tugon sa tatlong
magkakasunod-sunod na panghahagis ng Granada sa ibat-ibang lugar dito sa
Barangay Poblacion na lumikha ng takot at pangamba sa taong bayan.
Ang nasabing Task Force ay ang konkretong aksyon
ng Local na Pamahalaan ng Kabacan, PNP, AFP at ibat-ibang Law enforcement
Agencies upang mabigyan ng agarang solusyon ang nasabing problema.
Sa presentasyong ibinahagi ni Police Senior
Inspector Ronnie B. Cordero kahapon sa MPOC, detalyado niyang sinabi ang mga
hakbang na gagawin para sa pagbuo ng Task Force Kabacan, kagaya na lamang ng
mga logistical and financial needs, mga estrakturang ipapatayo, mga papel na
gagampanan ng bawat ahensyang kasali sa Task Force, ang augmentation ng PNP
Personnel na magmumula sa Police Provincial Office at ibat-ibang Police
Stations sa Cotabato at iba pa.
Kaya naman, inaasahang magkakaroon ng tight
security sa Bayan ng Kabacan sa mga susunod na araw.
Ayon naman kay Police Senior Superintendent
Alexander Tagum, ang Provincial Director ng PNP Cotabato, ang pagbubuo ng Task
Force Kabacan ay isang “Temporary
Relief” lamang at hindi makapagbibigay ng long-term solution sa problema ng
Kabacan. Kaya naman, hinikayat niya ang lahat ng mga Barangay Officials at
miyembro ng Konseho na magkaisa, tulungang maempower ang ibang miyembro ng
komunidad at manindigang sabihin ang katagang, “Tama na, tigilan na po natin
ito para na rin sa kinabukasan ng ating mga anak!”
Ibinahagi naman ni Lieutenant Colonel
Edralin ang kanyang paghanga sa liderato ni Mayor Herlo P. Guzman, Jr. sapagkat
naging model community/municipality sa usaping transportation and security
concerns, at ang organizing at empowerment ng lahat ng mga BPATs.
Kaya naman sinabi ng opisyal na
sinusuportahan nila ang lahat ng mga activities ng Philippine National Police
at ang lahat ng gawain ng LGU Kabacan na pangseguridad.
Sa harap naman ng miyembro ng Konseho,
matatag na sinabi ni Mayor Herlo P. Guzman, Jr. ang mga katagang, “magtulungan tayo dito sa bayan ng Kabacan, ito
na ang simula!” – ito ay ang mga katagang empowerment o ang pagpapalawak sa
kaalaman at paghihikayat niya sa bawat mamamayan na maging mapagmatyag, maging
alerto, sensitibo at responsible sa lahat ng bagay na may kaugnayan sa
pangkalahatang seguridad ng Kabacan.
Kanya ring sinusuportahan ang mensahe ni
Provincial Director Tagum, na ang Kapayapaan sa bayan ng Kabacan ay hindi
lamang responsibilidad ng PNP, AFP at iba pang force multiplier kundi
responsibilidad ito ng bawat Kabakenyos. Sarah
Jane Corpuz Guerrero
0 comments:
Mag-post ng isang Komento