AMAS, Kidapawan City (Aug 24) – Ibayong
husay ang ipinamalas ng mga Karate-do mula sa Cotabato Province sa katatapos
lamang na 2nd Gov Lala Karatedo Tournament sa Antipas Municipal Gymnasium noong
Aug 15-16, 2015.
Nasungkit ng Antipas Karate-dos and
ikalawang puwesto matapos makakuha ng 46 medals kung saan naging kampeon naman
ang Surigao Karate-dos na nakakuha ng 31medals.
Ikatlong puwesto ang Notre Dame of Kidapawan
College (NDKC) ng Kidapawan City na may 13 medals, ika-apat na puwesto ang
Tagum City Karate-dos na may 15 medals, ika-limang puwesto ang Holy Cross of
Sasa Davao na may 14 medals.
Nasa ika-anim, pito at walong puwesto naman
ang Don Carlos Bukidnon na may 19 medals, Central Mindanao Colleges (CMC) Kidapawan
City na may 2 medals at Iligan na may 1 gold.
Layon ng tournament na palakasin pa ang
sports sa hanay ng kabataan at ilayo sila sa illegal drugs at palakasin pa ang
sportsmanship at mabuting ugnayan ng mga karate-dos sa iba’t-ibang lugar sa
Mindanao.
Nagpasalamat naman si Antipas Municipal
Mayor Egidio Cadungon sa tiwala ng Provincial Government of Cot na maisagawang
muli sa bayan ang naturang kompetisyon.
Matatandaang noong 2014 ay sa Antipas rin
ginanap ang nabanggit na karate-do tournament na sinuportahan ng National Karatedo
Technical Council (NKTC) at ng Karate-do Federation in Mindanao (KFM). (JIMMY
STA. CRUZ-PGO Media Center)
0 comments:
Mag-post ng isang Komento