(Kidapawan City/ August 25, 2015) ---Sumampa
na ngayon sa 32 ang sugatan habang 1 ang naiulat na namatay sa nangyaring aksidente sa National Highway
partikular sa bahagi ng Balindog sa Kidapawan city alas 7:30 kagabi.
Sa ulat na ipinarating ni PSI Ramil Hojilla,
ang CPPO Branch Operation Officer sa DXVL News kinilala nito ang namatay na si
Charlie Saldua, 18-anyos, drayber ng isang pampasaherong tricycle at residente
ng Kidapawan City.
Sa 32 na mga sugatan, 13 dito ang nasa
malubhang kalagayan na patuloy na ginagamot ngayon sa iba’t-ibang mga pagamutan
sa lungsod.
Kinilala ang mga sugatan na sina Jasmine
Espinosa 28;Rey Alera, 38; Janielou Atamosa, 27;Jessa Sollano, 21; Korren
Claire Hilado, 26;Jane Polancos, 36;Jewelle Ybanez, 40;Jonahmae Ybanez
,31;Maria Agnes Bangkal ,47; Cipriano Alisagas, 75; Raffy Santillan, 22;Maria
Mangcao, 15; at Grace Samillano, 21.
Ang iba pang mga biktima na nagtamo din ng
sugat ay nakalabas na ng ospital.
Lumalabas sa inisyal na pagsisiyasat na inararo
ng isang GIGA ten Wheeler truck ang multi-cab, Nissan Navarra, isang kotse, at
apat pang iba kasama na dito ang isang pampasaherong multicab.
Kinilala ng Kidapawan City PNP ang truck
driver na si Jamel Wamar, 27 na at residente ng Barangay Silik, Pikit, North
Cotabato.
Nawalan umano ng preno ang biktima habang
binabaybay na ang kahabaan ng national highway, particular sa may Barangay
Balindog.
Kagagaling lamang daw niya sa Davao City
para maghatid ng karga.
At magaan na daw ang truck nang pabalik na
ito ng bayan ng Kabacan, North Cotabato.
Sakay nito ang kanyang dalawang helper na
kapwa rin nasa kustodiya ngayon ng Kidapawan City PNP.
Sinabi ni Superintendent Frank Anito, hepe
ng Kidapawan City PNP, kakasuhan ng homicide at multiple frustrated homicide
due to reckless imprudence ang tatlo.
Matatandaan na noong Setyembre ng nakaraang
taon, sugatan din ang lima katao makaraang araruhin ng school bus ang apat na
mga sasakyan na nakahilira sa national highway ng Barangay Balindog, Kidapawan
City.
Batay sa ulat, binabaybay ng school bus ng
University of Southern Mindanao-Kidapawan City campus (USM-KCC) ang highway ng
mawalan ng preno at inararo ang nasabing mga sasakyan.
Minamaneho ni Melvin Calubayan ang school
bus na puno ng mga estudyante na lalahok sa isinagawang Sport Unilympics.
Nahulog pa sa kanal sa gilid ng highway ang
bus sa layong 500 metro mula sa pinangyarihan ng aksidente.
Maliban dito, taong 2007 din ng 8 katao ang
naiulat na namatay habang 40 ang sugatan sa killer highway sa bayan ng Makilala
ng inararo din ng dumptruck ang nasa 10 mga sasakyan. Rhoderick Beñez
0 comments:
Mag-post ng isang Komento