Kidapawan
City (Aug 27) – Tinanghal na Mutya ng North Cotabato 2015 ang
19-taong gulang na si Jeanebeth B. Sedavia ng Midsayap, Cotabato sa katatapos
lamang na Coronation Night ng Search for the Mutya ng North Cotabato 2015 sa
Kidapawan City gymnasium kagabi.
Sa umpisa pa lamang
pageant night ay namukod tangi na si Sedavia sa 11 iba pang nagagandahang
kandidata dahil sa angking ganda, talino at katangian ng isang Cotabateña.
Sa initial interview
portion, tinanong si Sedavia kung ano ang kanyang magagawa upang palakasin ang
kampanya sa pangangalaga ng kapaligiran, sinabi nitong malaking tulong ang
tamang impormasyon at papel na gagampanan ng bawat isa upang mapalakas pa ang
environmental protection.
Sa final question
para sa Top 5 na kung sakaling tatanghaling Mutya, ano ang kanilang gagawing
aksiyon o programa upang mapalaganap ang kapayapaan sa Kristiyano, Muslim at
Lumad, sinabi ni Sedavia na itataguyod niya ang dayalogo sa pagitan ng mga
nag-aaway na grupo.
Si Sedavia ay fresh
graduate ng kursong Bachelor of Science in Accounting Technology sa Notre Dame
of Midsayap College o NDMC Midsayap.
Maliban sa korona ng
Mutya ng North Cot 2015, nagwagi din si Sedavia bilang Miss Photogenic.
First Runner-up naman
at Best in Playsuit at Best in Gown si Kristine Faith Tero ng Kidapawan City;
Second Runner-up si Jeddah Rica Jickain ng Midsayap, Third runner-up si Jessa
Pearl Lopez ng Pigcawayan at Fourth Runner-up si Venus Jhade Villavicencio ng
Magpet.
Lahat sila ay
tumanggap ng mga cash, trophies, sash at bouquets mula sa Provincial Government
of Cotabato.
Sina Bb.
Pilipinas-Universe 2015 Pia Wurtzbach at model –indie film actor Aldrico
Padilla ang host ng coronation night na dinagsa ng abot sa 4,000 katao.
Kabilang sa mga Board
of Judges sina Bb. Pilipinas-International 2007 NadiaLee Shami, Century Tuna
Superbod 2015 1st Runner-up Laurence Octavio Willen Tolenaars,
international model at Miss Philippine Airlines 2015 Kylie Versoza, GMA 7 lead
actor para sa teleseryeng ‘The Rich Man’s Daughter’ na si Bryan Bennedict at
international fashion designer na si Leo Almodal.
Pinasalamatan naman
ni Gov Emmylou “Lala” J. Taliño-Mendoza ang lahat ng mga nanood ng coronation
night at ang bawat isa sa patuloy na pagsuporta sa “Serbisyong Totoo”.
Pinasalamatan din
niya ang Kidapawan City LGU sa kooperasyon at koordinasyon upang matiyak ang
tagumpay ng aktibidad.
Ang Search for the
Mutya ng North Cotabato 2015 ay isa sa mga highlights ng ika-101 anibersaryo ng
Lalawigan ng Cotabato sa Sep 1, 2015 at Kalivungan Festival ngayong taon. (JIMMY STA. CRUZ-PGO Media Center/Photos by
SIDNEY NANINI)
0 comments:
Mag-post ng isang Komento