(Kabacan, North Cotabato/ August 25, 2015)
---Dead on arrival sa bahay pagamutan ang isang dating Brgy. Kagawad habang
sugatan naman ang isa pang angkas nito matapos na masangkot sa isang vehicular
accident sa bahagi ng National Highway sa Brgy. Katidtuan, Kabacan Cotabato,
mag-aalas 10:00 kaninang umaga.
Kinilala ni PSI Ronnie Cordero hepe ng
Kabacan PNP ang namatay na si Rodel Botenes, 57 anyos, may asawa, isang
magsasaka, dating Brgy. Kagawad ng Brgy. Dagupan, sa nasabing bayan, habang
sugatan naman ang angkas nito na kinilalang si Jovi Solomon, 38 anyos, may
asawa, isang housewife at pawang mga residente ng nasabing barangay.
Sa inisyal na imbestigasyon, lumalabas na
tinatahak ng isang KM450 na sasakyan, may plakang SJE 124, na nakarehistro sa
ilalim ng 7IB, Philippine Army ang direksiyon papuntang Davao mula Cotabato
City, at pagsapit na nasabing lugar ay nagkaroon ng “steering wheel
malfunction” ang sasakyan kung saan ay nabonggo nito ang kasalobong na isang
single na motorstar na motorsiklo, kulay asul at may plakang MA75178 kung saan
nakasakay ang mga biktima.
Patuloy pa ngayong inaalam ang halaga ng
danyos sa nasabing mga sasakyan.
Sa ngayon ay nasa kostudiya ng Kabacan MPS
ang mga sasakyan para sa pagpapatuloy ng imbestigasyon at pati na rin ang
driver ng sasakyan ng Philippine Army. Mark
Anthony Pispis
0 comments:
Mag-post ng isang Komento