(Midsayap, North Cotabato/ March 27,
2015) ---Naaresto ng pinagsanib na pwersa ng Midsayap PNP at CIDG-Cental
Mindanao ang isang miembro ng Armed Forces Of the Philippine na nakabase sa
Sulu, sa isinagawang drug buy bust operation sa Midsayap, North Cotabato pasado
alas sais ng gabi kahapon.
Ayon sa report pumunta lamang sa
bayan ng Midsayap ang suspek na si Cpl. Mirol Makbirol, 46 anyos na taga
Talipao, Sulu at miembro ng 38th IB kasama ang kanyang na si Janice Mauricio, 44, na taga Northern Kabuntalan,
Maguindanao sa nasabing bayan.
Ayon kay Midsayap PNP Commnder. Sr.
Ins. Reynate Delos Santos nakuha mula sa mga suspek ang walong sachet ng
pinaniniwalaang shabu na tinatayang nasa mahigit 40 gramo.
Pinaniniwalaang nanggaling sa
Cotabato City ang nasabing mga droga na posibleng ibebenta sa North Cotabato.
Nakakulong na ngayon ang mga suspek
habang inihahanda ang kasong isasampa laban sa kanila.
0 comments:
Mag-post ng isang Komento