(Magpet, North Cotabato/ March 30,
2015) ---Patuloy ngayon ang ginagawang paghahanda ng Magpet PNP sa kanilang nasasakupan
kaugnay sa anibersaryo ng New People’s Army (NPA).
Ito ayon kay PSI Felix Fornan, hepe
ng Magpet PNP sa panayam ng DXVL News, patuloy umano ang kanilang pagsasagawa
ng monitoring, visibility patrol at pati narin ang checkpoints na kanilang ginagawa
sa mga strategic areas sa lugar.
Anya, kumpirmado umano ang presensiya
ng mga makakaliwang grupo sa lugar basi narin sa mga impormasyong ipinaabot sa
kanila ng kasundaluha at mga sibilyan.
Samantala, patuloy parin umano ang
kanilang ginagawang imbestigasyon sa pananambang sa dalawang sundalo kung saan
ay nagresulta sa pagkalagas ng isa sa mga ito.
Ito makaraang pinagbabaril ng mga
rebelde ang dalang sundalo na punta sanang Brgy. Basak mula sa Brgy. Temporan
sa bayan ng magpet upang magsagawa ng Peace and Development Outreach Program
(PDOP) ang mga ito.
Kinilala ang namatay na si Corporal
Ricardo Paghubasan na binaril sa ulo, habang sugatan naman ang kasamahan niyang
si Corporal Eric Dimapitan na pawang mga miyembro ng 57th Infantry Battalion
ang mga biktima.
Dagdag pa ng opisyal na patuloy pa
ang kanilang paghahanap ng mga possibleng tatayong witnesses sa pananambang. Mark Anthony Pispis
0 comments:
Mag-post ng isang Komento