(Kabacan, North Cotabato/ March 31, 2015)
---Muling nagpaalala ngayon ang pamunuan ng Kabacan Bureau of Fire Protection
sa publiko na mag-ingat sa sunog.
Ginawa ni Fire Senior Inspector Ibrahim
Guiamalon ang pahayag sa DXVL News kasabay ng pagtatapos ng selebrasyon ng Fire
Prevention Month ngayong araw.
Aniya ang mga simpleng bagay na
nakakaligtaan madalas nagsisimula ang kapahamakan.
Dagdag pa nito na ang malaking sunog ay
nagmumula sa maliit pero kaya umano itong maiwasan kung mag-ingat lang ang
bawat isa sa sunog.
Giit pa ni Guiamalon na ang kaligtasan sa
sunog dapat na alamin, gawin at isabuhay upang walang sakunang mangyayari.
Kaugnay nito, bilang bahagi ng kanilang
programa ay isinagawa naman ang Takbo Laban sa Sunog at Sakuna o Tennarayan
2015 sa Munisipyo ng Kabacan.
Katuwang ng BFP Kabacan sa nasabing
aktibidad ang LGU Kabacan, USM, PNP Kabacan, Kabacan Water District, Brgy.
Poblacion at ang inyong DXVL Radyo ng Bayan. Rhoderick Beñez
0 comments:
Mag-post ng isang Komento