(March 25, 2015, SOUTH COTABATO,
Philippines) – Kalunus-lunos na kamatayan ang sinapit ng maglola matapos itong
makulong sa nasusunog nilang bahay sa bayan ng T’boli, South Cotabato kahapon
ng hapon.
Kinilala ni T’boli Fire Marshall
Senior Fire Officer 4 Winnie Fundar, ang mga biktima na sina Lilia Benales, 80;
at Jessie Arancillo, 22.
Samantala, nakaligtas naman sa sunog
ang nobya ni Jessie na si Ruth Rebalde matapos umano nitong maitulak palabas ng
bahay na nilalamon ng apoy.
Si Rebalde ay nagtamo rin ng 1st
degree burn sa mga kamay at braso.
Ayon kay Fundar, sinubukan pa ni Jessie na sagipin mula sa
nasusunog nilang bahay ang lola nitong si Lilia na natutulog sa kuwarto subalit
sa kasamaang palad, ‘di-na nakalabas ang mag-lola.
Nadamay din sa sunog ang dalawang
tindahan ng pamilya Benales na kargado ng grocery items at feeds na kanilang
pinarerentahan.
Batay sa imbestigasyon, aabot sa P.5
milyong halaga ng ari-arian ang tinupok ng apoy.
Ayon kay Fundar, bago naganap ang
sunog ilang residente ang nakakita sa ilang bata na naglalaro ng kandila
malapit sa bahay ng maglola. Rhoderick Beñez
0 comments:
Mag-post ng isang Komento