By:
Mark Anthony Pispis
(Kabacan, North Cotabato/ March 27,
2015) ---Umaabot na ngayon sa mahigit P20 Milyung piso ang pinsala sa mga
pananim sa bayan ng Kabacan sa nagpapatuloy na dry spell na nararanasan sa
lalawigan.
Batay sa datos ng Kabacan Municipal
Agriculturist Office, P19M dito sa mais habang P2M naman ang sa palay.
Ang datos ay isinumite ng MAO sa
Sangguniang Bayan pero inisyal pa lamang ito dahil nagpapatuloy pa ang
ginagawang beripikasyon ng lokal na kagawaran ng Agrikultura sa mga barangay.
Kaugnay nito, agad namang ipinanukala
ni SB Committee on Agriculture Chair Councilor Jonathan Tabara ang pagpasa ng
resolusyon na matulungan ang mga apektadong magsasaka sa bayan matapos na
ipinatawag nito ang MAO at National Irrigation Administration Kabacan River
Irrigation System sa session na Sangguniang Bayan kahapon.
Dahil dito, tiniyak ni NIA KABRIS
Acting Chief Officer Engr. Nerisa Matullano na mabibigyan nila ng kaukulang
serbisyo ng patubig ang sakop ng kanilang Irrigation System upang makapagsagawa
ng dalawang anihan ang mga magsasaka sa isang taon.
Agad namang nagpaabot ng pasalamat si
Matullano sa mga lokal na mambabatas dahil sa suportang ibinigay ng mga ito.
0 comments:
Mag-post ng isang Komento