by: Christine Limos
(Kabacan, North Cotabato/ February 26, 2015)
---Hindi pa tukoy hanggang sa kasalukuyan ang armadong grupo na responsable sa
pagsunog ng bahay ni Malaysian National at International Terrorist Zulkifli
Binhir alyas Marwan sa Brgy. Timbalakan Mamasapano, Maguinadanao.
Ito ang inihayag ni PSI Reggei Albellera ang
hepe ng Mamasapano PNP sa panayam ng DXVL News.
Aniya isolated ang lugar at
wala masyadong tao at hindi alam kung anong materyales ang ginamit sa pagsunog.
Di rin daw tiyak ang motibo sa pagsunog sa 3
bahay at isa pangpurok na nagsilbi umanong tambayan ni Marwan at isang maliit na Mosque
lang umano ang di nasali sa pagsunog, giit pa ni Albellera.
Dagdag pa ng opisyal na may ulat na marami
umanong asawa si Marwan ngunit wala itong asawa na naiwan sa Mamasapano at di
pa alam kung may mga asawa pa siya sa ibang bayan.
Wala na rin daw umanong presensiya ng
armadong grupo sa lugar maliban sa task force ng MILF na nagbabantay sa paligid upang hindi sila mapasok ng ibang mga elemento.
Dagdag pa ng opisyal na unti-unti na ring bumabalik sa kani-kanilang bahay ang mga residente at halos balik na sa normal
ang sitwasyon maliban na lamang sa imbestigasyon na ginagawa ng Board of Inquiry
(BOI) na galing sa Manila.
Ipinaliwanag din sa mga residente ang ginagawa ng BOI sa lugar ng pinangyarihan ng bakbakan, ito upang di na matakot ang mga residente at mabigla dahil sa trauma na kanilang dinaranas dahil sa pangyayari. Rhoderick Beñez
0 comments:
Mag-post ng isang Komento