Mga bakwit sa Pikit at Pgalungan, unti-unti ng bumabalik sa kanilang lugar

(North Cotabato/ February 25, 2015) ---Ligtas ng nakabalik sa kani kanilang mga bahay ang mga bakwit na lumikas sanhi ng kaguluhan matapos na magsagawa ng clearing operation ang 7th Infantry Battalion at 602^nd Brigade kamakalawa sa Baranggay Kabasalan, Pikit, Cotabato.

Sa panayam ng DXVL News kay 602^nd Brigade Commander Col. Noel Clement inihayag nitong wala ng tropa ng Bangsamoro Islamic Freedom Fighters o BIFF sa area.

Naki usap din si Clement sa mga residente na kung sakaling may makikita pang mga eksplosibo sa lugar agad na ipagbigay alam sa mga otoridad.

Nilinaw din ng opisyal na hindi IED ang natagpuan sa area habang pauwi na ang mga kagawd ng Media, CCCH, LGU at LMT makaraang pumasok sa Brgy. Kabasalan, Pikit  kundi mga piyesa ng computer na naiwan sa gilid ng kalsada.

Samantala, nagbigay din ng pahayag si Clement sa banta umano ng BIFF na pag atake sa Kidapawan City.

Aniya nakipag ugnayan na sila sa PNP counterpart upang masiguro na hindi maisasakatuparan ang banta ng pag atake.

Patuloy din umano ang kanilang panawagan sa mga mamamayan na maging vigilante sa mga banta ng terorismo.

Nanawagan din si Col. Clement sa mga mamamayan na huwag mag panic lalo na kung may mga natatanggap umano na mga di kompermadong report ay huwag ng isend sa kung kani kanino lalo na kung walang sapat na pinagbabasihan upang di na magkaroon ng dagdag na agam agam ang mga taong bayan at makipagtulungan na lamang. Rhoderick Beñez and