(Kabacan, North Cotabato/ February 23, 2015)
---Naka full alert pa rin ang mga kapulisan ng North Cotabato dahil sa nangyayaring
kaguluhan sa lalawigan.
Ito ang inihayag ni P/SSupt. Danilo Peralta
Provincial Director ng Cotabato PNP sa panayam ng DXVL news.
Aniya, mula pa noong November 1 noong Undas ay
naka full alert na sila at tuloy tuloy hanggang Disyembre sa simbang gabi at sa
kasalukuyan.
Dahil dito, walang bakasyon ang mga
kapulisan at ang pinapayagan lang umanong magbakasyon ay ang maternity at sick
leave.
Patuloy din ang kanilang pagpapa iral ng safety measures para
maproteksyunan ang mga Cotabateño.
Dagdag pa ng opisyal na naka handa ang buong
kapulisan ng North Cotabato dahil sa mga sunod sunod na banta ng terorismo at
nasa maayos naman sa kasalukuyan ang kalagayan ng buong probinsya ng North Cotabato.
Samantala, inihayag din ni Peralta na isa sa
teorya nila na ang dalawang namatay na bomb carrier sa Pikit ay posibleng
tauhan ni Marwan dahil malaki umano ang pagkakatugma ng larawan ng mga namatay
sa composite picture ng bomber sa Mlang noong November 23 at sa bomb carrier sa
public market ng Kabacan.
Kung titingnan din umano ang signature ng bomba
sa Mlang, Kabacan at Pikit ay pare pareho umano na cellphone detonated. Ito
umano ang isa sa trademark ng paggawa ni Marwan ng bomba na itinuro sa kanyang
mga estudyante.
Pinabulaanan din ni PD Peralta ang
pronouncement ni Abu Misri Mama spokesperson ng Bangsamoro Islamic Freedom Fighters o BIFF na
may kinalaman si Cotabato Gov.Lala Taliño Mendoza sa hidwaan ng BIFF at MILF.
Aniya, wala umano itong katotohanan at
maging sila na kapulisan ng North Cotabato ay hindi nakikisawsaw o nakikisali
sa kaguluhan.
Lumalabas umano sa imbestigasyon na ito ay personal na alitan ni Kumander
Jack Abas ng MILF at Kagi Karialan ng BIFF ang nangyaring kaguluhan sa boundary
ng Pikit, North Cotabato at Pagalungan, Maguindanao.
Nanawagan din si P/SSupt Danilo Peralta sa
mga mamamayan na kung may mga di kanais nais o suspetsado at pag tuunan ng
pansin ang mga abandonadong bagay ay isumbong at ipagbigay alam kaagad sa
kapulisan upang matugunan kaagad at mapigilan ang paghasik ng lagim. Christine Limos
0 comments:
Mag-post ng isang Komento