(Carmen, North Cotabato/ February 23,
2015) ---Patay on the spot ang isang negosyante matapos itong pinagbabaril ng
mga mga di pa nakikilalang mga salarin sa panulukan ng Dima dalid St. Poblacion
Carmen, Cotabato alas 5:30 ng hapon kamakalawa.
Kinilala ng Camen PNP ang biktima na
isang Fernando Managit, 46 anyos, may asawa, negosyante at residente ng
nasabing lugar.
Lumalabas sa inisyal na imbestigasyon
na tatlong tama ng bala mula sa isang kalibre 45 na pistola ang tumama mula sa
likod ng biktima ang nagresulta sa agaran nitong kamatayan.
Agad tumakas ang suspek sa di pa
matukoy na direksiyon matapos na maisakatuparan ang masamang balakin.
Malaki ang paniwala ng kapulisan na
personal na motibo ang dahilan ng nasabing pamamaril.
Sa ngayon ay patuloy pang
iniimbestigahan ng Carmen PNP ang nasabing insidente. Christine Limos, Mark Anthony Pispis, DXVL News
0 comments:
Mag-post ng isang Komento