(North Cotabato/ February 26, 2015) ---Apat
na mga preso ang pumuga sa mula sa Bureau of Jail and Management and Penology (BJMP)
sa Malapatan sa lalawigan ng Sarangani alas 7:30 kagabi.
Kinilala ni C/Insp. Robert Gabayeron, hepe
ng Malapatan Police station ang mga pumuga na sina Ronald Upos, 23, may kasong pagnanakaw; Roberto
Carapayko, 21; Gerald Lipasan may kasong carnapping at Romnick Poster na
nahaharap sa kasong murder. Ang mga ito ay pawang mga residente ng Malungon,
Sarangani.
Napag-alaman na sa nabanggit na oras kagabi
nang makarinig sila ng dalawang putok at kasunod nito ay ang pagkakagulo na ng
mga detainees at guwardiya sa Malapatan jail.
Bitbit umano ng mga tinaguriang trustee na
si Ronald Opos ang susi kasama si Robert Carapayco nang bigla na lamang buksan
ang selda kaya't naglabasan ang anim na mga inmates.
Inagaw din ni Carapayco ang shotgun na
humantong sa barilan.
Hindi umabot sa pagamutan ang detainee na si
Mod Lakim na residente ng Prk. Islam, Suyan ng bayan ng Malapatan na may kasong
robbery with homicide matapos inagaw ang shotgun ng jailguard na binaril at
tinamaan sa dibdib at ulo.
Bantay sarado naman ng pulisya ang tatlong
detainees na sina Jerry Bellota, 31, may kasong robberry; Jerald Caballes, 19,
may kasong carnapping at si Metchel Macaso, 48, pawang mga residente ng Glan at
Malungon, Sarangani province.
Kaugnay nito patuloy ngayon ang hot pursuit
operation ng Malapatan Municipal Police Station sa apat sa walong preso na
tumakas mula sa Bureau of Jail and Management and Penology (BJMP) sa Malapatan,
Sarangani. DXVL News
0 comments:
Mag-post ng isang Komento