(Kabacan, North Cotabato/ July 9, 2014) ---Pormal
ng naghain ng reklamo ang pamilya Palencia Gelacio laban sa Lying In ng Rural
Health Unit ng Kabacan sa opisina ni Mayor Herlo Guzman Jr., kahapon ng umaga.
Mismong ang mister ni Irah Palencia Gelacio
na si Gerald Gelacio at Father in Law nito ang nag-abot ng reklamo kay
Municipal Administrator Ben Guzman upang magsagawa ng masusing imbestigasyon in
aide of legislation upang malaman ang totoong dahilan ng nangyari sa
mamamahayag.
Bagama’t walang planung magsampa ng kaso ang
kampo ni Irah, nais lamang nila na mabigyan ng kaukulang aksiyon ang nangyari sa
pagkamatay ng broadcaster.
Ito para hindi na rin ito maulit sa iba pang
mga manganganak.
Sa panig naman ng RHU Kabacan, sinabi ni Dr.
Sofronio Edu Jr. na nagpulong naman ito sa kanyang mga medical staff at
napag-usapan na nila sa kanilang lebel.
Wala pa namang opisyal na inilalabas na
pronouncement ang pamunuan ng RHU Lying In hinggil sa nangyari.
Samantala, tiniyak naman ni Municipal
Administrator Ben Guzman na kanilang tutulungan paimbestigahan ang nangyari kay
Irah Palencia Gelacio.
Kanyang umanong isusumite ang sulat reklamo
ng pamilya Gelacio sa Sangguniang Bayan para maisalang sa deliberasyon at
maipatawag sa konseho ang pamunuan ng Rural Health Unit partikular na ang
midwife at Nurse na nagpa-anak sa 29-anyos na DXVL Newscaster at Broadcast
Traffic Officer.
Ito para malaman kung nagkaroon nga ba ng kapabayaan
sa nangyaring panganganak ni Irah matapos na maubusan ito ng dugo ilang oras na
magluwal ng sanggol.
Umaasa naman ang Pamilya Gelacio na mabigyan
ito ng patas na mbestigasyon at matutugunan ito ng administrasyong Guzman at
hindi lamang mababaon sa limot. Rhoderick
Beñez
0 comments:
Mag-post ng isang Komento