(Antipas, North Cotabato/ July 9, 2014) ---Siyam
na tama ng bala ang tumapos sa buhay ng isang 40-anyos na magsasaka makaraang pagbabarilin
ng suspek na nakaalitan nito sa nangyaring krimen sa Sitio Alenyon, Brgy.
Malatab, Antipas, North Cotabato alas 10:00 ng umaga kahapon.
Kinilala ni PSI Felix Fornan, hepe ng
Antipas PNP ang biktima na si Rogelio Golisao, 40, may asawa at residente ng
nasabing lugar.
Batay sa inisyal na pagsisiyasat, naglalakad
ang biktima kasama ang misis nito para iluwas sana sa National Highway ang
kanilang inaning saging pero pagdating nila sa bahagi ng gomahan na pag-mamay
ari ni Bualan Lumbat ay biglang tumambad sa kanila ang tatlong mga suspek.
Kinilala ang suspek na bumaril na si Meyo
Bayog habang di naman nakilala ang dalawa pa nitong kasama.
Bulagta ang biktima ng ratratin ng siyam na
bala sa likurang bahagi nito gamit ang 12 gauge shotgun.
Matapos maisakatuparan ang masamang balikin
at makitang patay na ang biktima, mabilis namang tumakas ang mga suspek sa di
malamang direksiyon.
Personal grudge ang isa sa mga anggulong
sinisilip ng mga otoridad.
Patuloy naman ang ginagawang hot pursuit
operation ng Antipas PNP sa nasabing insidente. Rhoderick Beñez
0 comments:
Mag-post ng isang Komento