(Tulunan, North Cotabato/ July 7, 2014) ---Kalaboso
ngayon ang isang holdaper makaraang maaresto ng mga otoridad sa bigong
pang-hohold-up nito sa isang Fish Cargo Truck sa hangganan ng National Highway
ng Datu Paglas, Maguindanao at Tulunan, North Cotabato alas 11:45 ng gabi
nitong Sabado.
Sa report ni Cotabato Police Provincial Office
Spokesperson PSI Jojet Nicolas na kinilala ang suspek na si Ivan Madidis,
20-anyos at residente ng Brgy. Madidis, Datu Paglas, Maguindanao.
Lumalabas sa inisyal na imbestigasyon ng mga pulisya na
habang tinatahak ng nasabing Cargo Truck ang kahabaan ng National Highway at pagdating
sa isang lubak na daan ay pinara sila ng suspek.
Agad namang minaneho ng suspek ang nasabing sasakyan at
nag-deklara ng hold-up kaya tinangay ng suspek ang 2 unit na cellphones at cash
na P100.00.
Pero ng matunugan ng drayber at pahinante ng sasakyan na
walang armas ang suspek kanilang nasakote ito at agad na naireport sa pulisya
dahilan para maaresto ang suspek.
Kinilala ng mga Tulunan PNP ang drayber ng sasakyan na
si Joseph Moreno, 26-anyos ng Saranggani kasama ang mga kasamahan nito na sina
Michael Samontiza at Crismar Moreno kapwa residente rin ng nasabing lugar.
Galing pa umano ng General Santos city ang nasabing
sasakyan papunta ng Cagayan de Oro ng mangyari ang insidente. Rhoderick Beñez
0 comments:
Mag-post ng isang Komento