Written by: Jimmy St. Cruz
(Kidapawan City/ July 10, 2014) --– Lubos na
pinaghahandaan ngayon ng mga naggagandahang kandidata ng Search for the Mutya
ng North Cotabato 2014 ang kanilang pagsabak sa Talent Night at sa
pinakapana-panabik na Grand Pageant Night ng search.
Ang Talent Night ay gagawin sa Aug. 1, 2014
sa Magpet Municipal Gymnasium at ang Grand Pageant Night naman ay gagawin sa
Aug 25, 2014 sa Provincial Capitol Gym, Amas, Kidapawan City.
Ayon kay Ralph Ryan Rafael, Focal Person ng
Tourism and Media Affairs ng Provincial Governor’s Office, abala ang mga
kandidata ngayon sa paghahanda nga kanilang mga talentong ipakikita at ang
buong sarili para sa Grand Pageant Night.
Pinagbubuti rin nilang maigi ang paghahanda
ng mga kasuotan tulad ng evening gown, sportswear, casual at indigenous costumes.
Sinabi ni Rafael na isang natatanging
patimpalak ang matutunghayan ng mga Cotabateños dahil ngayon ay ika-isang daang
taon ng Cotabato province.
Kaya naman ang tatanghaling Mutya ng
Cotabato 2014 ay tatawaging “Centennial Queen” at siya ring magiging
Ambassadress of Peace ng lalawigan.
Ipinagmalaki rin ni Rafael ang pagiging matalino, maganda at
kaakit-akit ng 15 mga kandidata at nangakong ibibigay ng mga ito ang lahat ng
makakaya sa search.
Noong Sabado, July 6, 2014 ay sumailalim sa
Personality Training ang mga kandidata sa Provincial Capitol rooftop kung saan
ang kanilang naging speaker-lecturer ay si Joy Sison na isa ring beauty titlist
mula sa Cotabato province.
Matapos naman ang kanilang training ay sumabak sila sa interview ng Aksiyon
Serbisyong Totoo (AST) teleradyo program
ng Provincial Government of Cotabato kung saan ipinakita ng mga ito ang husay
sa pagsagot sa mga katanungan. (JIMMY STA. CRUZ/PGO Media Center)
0 comments:
Mag-post ng isang Komento