(Cotabato City/ July 9, 2014) ---Patay ang
isang 23 anyos na lalaki makarang pagbabarilin ng mga di pa kilalang suspek sa
harap ng Superama Express sa Don Rufino Alonzo St-Bonifacio St Cotabato City
kamakalawa ng madaling araw.
Kinilala ng Police Station 1 ang biktima na
si Tomas Lumabao, single at residente ng Mother Brgy. Bagua ng Lungsod.
Ayon sa report naglalakad lamang ang biktima
sa nasabing lugar at bigla na lamang hinintuan ng puting van at lumabas ang
isang lalaki at pinagbabaril.
Nagtamo ng maraming tama ng bala ang biktima
gamit ang caliber 45 pistol na naging dahilan ng kanyang agarang kamatayan.
Ngayon patuloy pang iniimbestigahan ng
pulisya ang posibleng motibo sa nasabing pamamaril.
Samantala nahaharap naman sa kasong
frustrated murder ang isang Eugene Borniego,19 anyos matapos saksakin ang isang
pinaniniwalaang bakla sa Dapdap, Rosary Heigths 2 Cotabato City.
Kinilala ang nasabing biktima na si Jacky
Perago na ngayon ay nagpapagaling na sa Cotabato Regional Medical Center.
Ayon sa report bigla na lamang pinasok ng
suspek ang biktima sa boarding hauz nito at sinaksak.
Mabilis namang rumisponde ang Police Station
1 at nahuli ang suspek na ngayon ay nasa kustodiya na habang patuloy pa itong iniimbestigahan. Rhoderick Beñez
0 comments:
Mag-post ng isang Komento