(USM, Kabacan, North Cotabato/ October 24,
2013) ---Kinumpirma ni PCInsp. Jordine Maribojo, hepe ng Kabacan PNP na
negatibo sa pampasabog ang natagpuang maliit na kahon sa harap ng University
Resource Learning Center ng University of Southern Mindanao, Kabacan, North
Cotabato alas alas 7:00 ngayong umaga.
Agad namang kinordon ng mga pulisya na
rumesponde sa erya ang harap ng USM Library.
Nabatid na isang janitor ng USM Library na
kinilalang si Rasul Balayman ang nakakita ng nasabing maliit na kahon na may
nakakabit na wire.
Agad namang nagsipulasan palabas ang mga
kawani ng Library ng malaman ang nasabing bomb scare.
Sa ginawang pagsisiyasat ng EOD team sa
tulong ng K9 Unit unang iniulat na positibo sa IED kaya pinasabog nila ito
gamit ang water disruptor para masira ang komposisyon ng pampasabog.
Pero sa panayam ng DXVL News kay PCInsp.
Maribojo, sinabi nitong negatibo sa IED at naglalaman lamang ng bote ang
natagpuang kapon sa harap ng USM Library.
Alas 8:30 kaninang umaga ay balik normal
naman ang sitwasyon sa library at sa buong Pamantasan pero ilang minuto lamang
ang nakakaraan ay inireport naman ang bomb scare sa gilid ng USM Faculty House
at Office of the Student Affairs, lahat nasa loob ng USM compound.
Sa ginawang pagsisiyasat ng mga otoridad
nakumpirma na negatibo sa anumang pampasabog ang mga bomb scare na naireport.
Nabatid na sa susunod na linggo ay umpisa na
ng enrollment para sa 2nd semester ng SY 2013-2014 dito sa USM.
Pinayuhan naman ni USM Vice President for
admin and Finance Dr. Francisco Garcia ang publiko kasama na ang kawani at
estudyante ng usm na maging vigilante sa paligid matapos na matagpuan ang
nasabing bomba. (Rhoderick Beñez)
0 comments:
Mag-post ng isang Komento