(Matalam, North Cotabato/ October 23, 2013)
---Dumating na kahapon ng tanghali ang contractor ng Generator Set para sa konstruksiyon
ng 6 megawatts na gen set ng Cotabato Electric Cooperative, Inc. o Cotelco.
Ito ang napag-alaman mula kay Cotelco
Spokesperson Vincent Lore Baguio sa panayam sa kanya ng DXVL News.
Sa ngayon naghihintay na lamang ng
provisional Authority ang pamunuan ng Cotelco mula sa Energy Regulatory
Commission o ERC para payagan ang pagdagdag ng 6megawatts na supply ng kuryente
buhat sa ipo-produce ng gen set.
Umaasa ang Cotelco na magagamit na ang
nasabing gen set sa buwan ng Disyembre o kaya sa unang Quarter ng taong 2014
para pandagdag sa kakulangan ng supply ng kuryente.
Sa ngayon, may power deficiency ang Mindanao
na abot sa 180 megawatts, ayon kay Baguio.
Sa panig naman ng Cotelco, nakakaranas ang
service area ngayon ng abot sa 1 hanggang 2 oras na load curtailment dahil sa
krisis sa enerhiya na nararanasan sa bahaging ito ng Mindanao.
Pero ang ilang mga service erya ng Cotelco
sa Kabacan, minsan higit tatlong oras ang brown-out na nararanasan na iba sa
araw at iba rin kung gabi.
Marami ring mga negosyante ang umaangal sa
Kabacan dahil wala rin umanong abiso na inilalabas ang Cotelco sa kanilang
ipinapatupad na laod curtailment. Rhoderick
Beñez
0 comments:
Mag-post ng isang Komento