(PPALMA,
North Cotabato/ October 23, 2013) ---Pinangunahan ng Department of Trade and
Industry o DTI North Cotabato ang isang Business Opportunity Forum na
naglalayong buksan sa mga magniniyog at mga kooperatiba ang pagkakakataong
lubos pang pagkakitaan ang coconut na itinuturing ng karamihan bilang tree of
life.
Inilatag
ni DTI Provincial Director Engr. Anthony Bravo ang isang proyekto na maaring
pasukin ng mga kooperatiba at Small Coconut Farmers Organizations o SCFOs.
Ayon
kay Engr. Bravo, isa sa malaking oportunidad para sa mga magniniyog ay ang
Coconut Supply Project sa pakikipagtulungan sa Franklin Baker Company of the
Philippines.
Sa
proyektong ito umano ay kikita ang mga coconut farmers sa pamamagitan ng
pagsusuplay ng whole nuts sa nasabing kompanya.
Sinabi
ni Bravo na ang whole nuts na magmumula sa mga coconut farmers at cooperatives
ay siyang pagkukunan ng coconut water concentrate o coco water.
Nabatid
na ang natukoy na coco water ay isa sa mga produkto ng Franklin Baker na
iniluluwas sa Amerika at Europa.
Samantala,
positibo naman sa oportunidad na ito ang kalipunan ng SCFOs sa Unang Distrito
ng North Cotabato. (Roderick Bautista)
0 comments:
Mag-post ng isang Komento