(Kabacan, North Cotabato/ October 21, 2013)
---Abot na ngayon sa 12 mga establisiemento ang lumalabag sa Municipal Ordinance
na No. 2009-001 o mas kilala sa tawag na Kabacan Ecological Solid Waste
Management.
Ito ayon sa report ni Municipal Environment
and Natural Resources Officer Jerry Laoagan batay sa tala ng huling quarter ng
taon.
Karamihan sa mga establiseimentong nahuli
dahil sa patuloy na paggamit ng plastic cellophane bilang pambalot sa kanilang
paninda.
Bukod pa sa hindi pag-sunod sa tamang
segregation ng basura.
Nabatid mula sa MENRO na ilan sa mga
establisiemento ay napatawan na unang paglabag kungsaan pagbabayarin ng multang
P500.00.
Ang iba ay umaabot na rin sa 2nd
hanggang 3rd offense ang kanilang nabayan na umaabot sa P1,500
hanggang P2,500.00 dahil sa patuloy na paglabag sa nasabing batas.
Ilan sa mga nahuhuling mga establisiemento
ay nasa National Highway, USM Avenue at nasa Kabacan Public Market. (Rhoderick
Beñez)
0 comments:
Mag-post ng isang Komento