(Kabacan, North Cotabato/ October 21, 2013)
---Umaabot sa 128 mga motorsiklo at tricycab ang naka-impound ngayon sa Kabacan
PNP simula ng ipatupad ang election ban noong Setyembre a-28.
Batay sa report ng Kabacan PNP walang
kaukulang mga dokumento ang mga motoristang nasabat ang kanilang sasakyan,
maliban pa sa gumagamit pa rin ang mga ito ng ipinagbabawal na open pipe,
walang licence plate at wala ring OR-CR, walang franchise at walang mga drivers
license dahilan kung bakit naka-impound ngayon ang nasabing sasakyan.
Ilan sa mga sasakyan na nasabat ng mga
otoridad ay na-i-release na rin ng makabayad at naka-presinta ng kaukulang
dokumento ang mga ito.
Posibleng madagdagan din ang bilang ng mga
ito habang papalapit ang barangay election.
Pinaigting ng PNP ang seguridad sa bayan
kasunod ng nangyaring nakawan ng motorsiklo sa Spectrum establishment sa bahagi
ng Maria Clara St., Poblacion, Kabacan noong nakaraang linggo.
Ayon sa report dalawang motorsiklo na XRM na
may license plate na 7292 MF at 4137 MK ang tinangay ng mga magnanakaw sa loob
ng compound ni Engr. Edwin Subillaga.
Maliban dito, isang estudyante rin ng USM
ang tinutukan ng baril bago tinangay ang kanyang XRM na motorsiklo habang
nakaparada sa harap ng Methodist Church na nasa Sunset Drive habang naghihintay
ng kanyang kasintahan.
Dahil sa nalulusutan pa rin ng mga
masasamang loo bang mga otoridad,lalo nilang pinaigting ngayon ang seguridad sa
paligid ng Kabacan.
Sinabi kahapon ni PCInsp. Jordine Maribojo,
hepe ng Kabacan PNP na mahigpit din ang kanilang implementasyon ng gun ban
hinggil sa halalang pambarangay at paghahanda para sa deployment ng tropa nito
sa araw ng eleksiyon sa Oktubre a-28. (Rhoderick Beñez)
0 comments:
Mag-post ng isang Komento