(Kabacan, North Cotabato/ September 13, 2013)
---Pitong mga partisipante ng isang training seminar sa ATI na nasa USMARC, USM
compound ang ninakawan ng gamit habang kasagsagan ng ginagawang lecture.
Ayon sa report, inilagay ng mga partisipante
ang kanilang gamit na bag sa loob ng kanilang headquarters, pero ang di nila
alam ay hindi pala napadlock ng room attendant ang kanilang silid.
Mga mahahalagang gamit at mga damit ng mga
kalahok sa nasabing seminar ang tinangay ng di pa nakilalang salarin.
Reklamo ng mga biktima ang kawalan ng aksiyon
ng management ng ATI sa nangyaring nakawan.
Duda ang mga biktima sa nasabing insedente,
dahilan kung bakit nila inireport sa region ang nasabing pangyayari.
Naganap ang insedente nitong Miyerkules ng
umaga habang kasagsagan ng lecture nila sa kanilang training seminar. (Rhoderick Beñez)
0 comments:
Mag-post ng isang Komento