(Midsayap,
North Cotabato/ August 2, 2013) ---Planong magtayo ng lokal na pamahalaan ng
Midsayap ng temporary stalls para sa mga maaapektuhan ng demolisyon at
konstruksyon ng New Mega Market Project.
Isa
ito sa mga pangunahing usapin na tinalakay kahapon sa pagpupulong ng Midsayap
Municipal Development Council sa ABC Hall ng bayan.
Higit
dalawang milyong piso ang ilalaan ng pamahalaang lokal para dito.
Umabot
sa 137 mga umuukupa sa palengke ang inaasahaang maapektuhan ng proyekto ayon sa
datos ng Municipal Planing and Development Office.
Nabatid
na itatayo ang temporary stalls sa bahagi ng Old Terminal site kung saan dito
muna pansamantalang magtitinda ang mga apektadong vendors hanggang sa matapos ang
proyekto.
Ayon
kay Municipal Councilor Jesus Superioridad, ang aksyong ito ay resulta na rin
ng mga isinagawang konsultasyon bago simulan ang pagsasaayos ng pamilihang
bayan.
Sinabi
din ng opisyal na aabutin ng higit isang taon ang konstruksyon ng mega market
project. (Roderick Bautista)
0 comments:
Mag-post ng isang Komento