(Amas, Kidapawan City/ December 27, 2012)
---Ni-relieve na sa kanyang pwesto bilang Police Provincial Director ng North
Cotabato PNP si Senior Supt. Roque Alcantara, matapos na makatanggap ng tawag
nitong Miyerkules mula sa tanggapan ng office of the Police Regional Director
ng Central Mindanao na nakabase sa Generala Santos City.
Ang opisyal ay nagsilbi sa probinsya ng apat
na buwan at papalitan siya ni Sr. Supt. Danny Peralta, ang dating Provincial
Police Director ng Sultan Kudarat.
Ayaw naman magkomento ni Alcantara kung ang
nasabing isyu ay may kinalaman sa pagsampa niot ng kasong criminal laban sa
staff ni 2nd District Representative Nancy Catamco.
Sa Kampo naman ni Catamco, wala pa silang
reaksyon hinggil sa pagpalipat ng provincial police command.
Kung matatandaan nitong buwan ng Nobyembre,
nagsampa ng kaso ang provincial prosecutor n North Cotabatolaban sa public
affairs chief representative Catamco na si Basillio Obello Jr., dahil sa
pagdadala ng unlicensed firearms nitong buwan ng Mayo.
Sinabi naman ni Cotabato Gov. Emmylou “Lala”
Talino Mendoza na ang pagpaalis sa pwesto kay Alcantara ay base naman sa naging
performance nito sa provincial command. (Rhoderick Beñez)
0 comments:
Mag-post ng isang Komento