(Kabacan, North Cotabato/ December 24, 2012)
---Natangay mula sa isang 23-anyos na ginang ang kanyang kwintas na
nagkakahalaga ng Siyam na Libung Piso (P9,000.00) makaraang mabiktima na
budol-budol gang alas 12:00 ng tanghali kahapon.
Kinilala ng Kabacan PNP ang biktima na si
Tata Kosim Tode, 23-taong gulang, may asawa at residente ng Batongkayo, Datu
Montawal, Maguindanao.
Naganap ang pambibiktima ng di pa nakilalang
suspek habang nasa Sugni Super Store si Tode na makikita sa Rizal St., National
Highway, Kabacan, Cotabato.
Di umano maipaliwanag ng biktima kung bakit
nito naibigay bigla lamang ang kanyang gamit kasama ang cash na P1,540.00 mula
sa pera ng kanyang asawa.
Samantala bago ang nabanggit na insedente
pambibiktima ng budol-dubol gang sa Kabacan, dakong alas 10:40 ng umaga kahapon
din, pinasok umano ng mga di pa nakilalang mga kawatan ang isang tindahan sa
USM Avenue.
Ayon sa report ng Kabacan PNP, nabatid mula
kay Juvelyn Collado Oreacion, 39-anyos residente ng nabanggit na lugar, pinasok
umano ng nasa edad 23-anyos ang nasabing tindahan at kinuha ang kanyang wallet
na naglalaman ng Metro Bank ATM Card, BPI ATM Card, SSS ID, Voter’s ID. Grocery
ID at cash na nagkakahalaga ng P3,000.00.
Sinira umano ng salarin ang main door ng
tindahan para gawing entrance point para mapasok ang tindahan.
Sa ngayon, aminado ang Kabacan PNP na
tumataas ang bilang ng insedente ng pagnanakaw sa tuwing kapaskuhan at
papalapit ang pagsalubong ng bagong taon.
Kaya paalala nila sa publiko na maging
maingat at vigilante kontra sa mga masasamang loob. (Rhoderick Beñez)
0 comments:
Mag-post ng isang Komento