(Kabacan,
North Cotabato/ December 24, 2012) ---Abot sa P17,100.00 ang kabuuang halaga ng
mga gamit at cash ang natangay sa isang carenderia matapos na nilooban ng mga
di pa nakilalang mga magnanakaw sa di ma batid na oras kahapon.
Batay sa
report ng Kabacan PNP, pwersahang pinasok umano ng mga kawatan ang isang
carenderia na nasa Jacinto St., na nasa Poblacion, Kabacan at tinangay ang
iba’t-ibang mga gamit kasama na ang cash, ito ayon sa nagsumbong sa himpilan ng
pulisya na si Bryan Lucmayon, 26-anyos, binata at residente ng nabanggit na
lugar.
Kabilang sa
mga natangay ng mga suspek ang isang oven toaster na nagkakahalaga ng
P1,500.00; isang unit ng microwave oven na nagkakahalaga ng P4,800.00; isang
unit ng Dispenser P8,000.00; dalawang mga cooking pots na abot sa P2,000.00,
assorted goods na nagkakahalaga ng P300 at ang kanilang piggybank na naglalaman
ng halagang P500.00.
Sa inisyal
na pagsisiyasat ng pulisya posibleng umanong madaling araw kahapon ng pasukin
ngmga magnanakaw ang nasabing kainan.
Sa ngayon
patuloy pa ang ginagawang imbestigasyon ngmga otoridad sa nasabing insedente,
ayon kay P02 Jose Marie Dusaban, ang investigator in charge ng nasabing kaso. (Rhoderick Beñez)
0 comments:
Mag-post ng isang Komento