IED, natagpuan ng isang magsasaka na itinago sa dayami sa isang sakahan sa Sitio Lumayong, Kabacan

(Kabacan, North Cotabato/August 14, 2012) ---Isang High Explosive na Improvised Explosive Device o IED ang natagpuan ng isang magsasaka sa bagong ani nitong palayan sa Sitio Lumayong, Brgy. Kayaga, Kabacan, Cotabato alas 4:50 kahapon ng hapon.

Ayon kay Supt. Raul Supiter, hepe ng Kabacan PNP ang nasabing ied ay nakasilid sa isang malaking cellophane at itinanim umano sa mga dayami ng bagong aning palay.

Agad namang inireport ng magsasakang nakilalang si Mohib Panimbang, nasa tamang edad, resident eng crossing agpa, brgy. Kayaga ang nakita nitong ied sa mga pulisya.

Mabilis namang rumesponde ang mga kagawad ng Explosive Ordnance Team sa lugar upang ma-i-disrupt ang nasabing ied.

Ligtas namang pinasabog ng 63rdEOD team ang nasabing pampasabog na gawa sa bala ng 81mm HE.

Matapos na ma clear ang lugar, balik naman sa normal ang daloy ng trapiko sa Kabacan –Carmen, National Highway bago mag alas 6:00 kahapon ng gabi.

Inaalam pa ng mga otoridad kung ang nrekober na ied ay may kaugnayan sa mga ipinakakalat na report sa balak na guluhin ng grupong BIFF ang probinsiya ng North Cotabato. (Rhoderick Beñez)